سمنګان لوړو زده کړو مؤسسه کې د ۱۲ میلیونه او ۶۰۰ سوه زره افغانیو په لګښت د بېلابېلو برخو د رغونې او بیارغونې چارې پیل شوې
دا پروژې چې د لوړو زده کړو وزارت له بودیجې تمویلیږي، د داخلي سړکونو بیارغونه او قیر کول، پیاده روونه، هموارول، د محصلینو استراحت ځای لپاره سايهبانونه، د برېښنا نوی برج جوړول، او د ټرانسفارمر نصبول پکې شامل دي.
د یادو پروژو د تطبیق موخه د زده کړیزو شرایطو ښه کول او په دې علمي مرکز کې تدریس لپاره خوندي او مناسب چاپیریال برابرول دي.
د یادونې وړ ده چې د یادو پروژو د پرانیستې په مراسمو کې د سمنګان والي، د سمنګان لوړو زده کړو مؤسسې مشرتابه، د امارتي ادارو یو شمیر رئیسانو، استادانو او د دې مؤسسې اداري کارکوونکو ګډون کړی و.
نېټه: سه شنبه
۱۴۴۶ هـ.ق د رجب المرجب ۱۳ مه
۱۴۰۳ هـ.ش د جدي ۲۵ مه
۲۰۲۵ م د جنوري ۱۴ مه
