په بلخ پوهنتون کې د دولتي او خصوصي پوهنتونونو د درسونو د پیل په اړه، مشورتي ناسته تر سره شوه

په بلخ پوهنتون کې د دولتي او خصوصي پوهنتونونو د درسونو د پیل په اړه، مشورتي ناسته تر سره شوه.
په دغه مشورتي ناسته کې د بلخ والي، د لوړو زده‌ کړو وزارت ځانګړي استازي، د بلخ پوهنتون رئیس د پوهنځیو رئیسانو، علمي شورا غړو، استادانو او خصوصي پوهنتونونو استازو ګډون کړی و.
په بلخ پوهنتونو کې د لوړو زده کړو وزارت ځانګړي استازي ډاکټر احمد وزیر ساپي د ناستې ګډونوالو ته د ښه راغلاست تر څنګ، په بلخ کې د لوړو د لوړو زده کړو د پرمختګ او معیاري کولو په اړه د لوړو زده کړو وزارت د پالیسۍ او پلانونو په اړه خبرې وکړې او د درسونو جریان یې له نیږدې وڅاره. دغه راز د بلخ پوهنتون رئیس د بلخ پوهنتون اړتیاوې او ستونزې په ګوته او له اړوندو ادارو څخه یې د حل غوښتنه وکړه. 
وروسته د ناستې ګډونوالو د بلخ پوهنتون له لیلیې څخه لیدنه وکړه، د لیلیې ستونزې یې په نښه کړې، چې د بلخ والي له لوري د همکارۍ ژمنه ورسره وشوه. 
د یادولو وړ ده چې بلخ پوهنتون ۱۶ فعال پوهنځي لري او د هېواد له ګوټ ګوټ څخه زرګونه محصلین پکې په زده کړو بوخت دي.