په کابل پولي تخنیک پوهنتون کې د استادانو د ظرفیت لوړونې په موخه د «رهبرۍ» تر عنوان لاندې ورکشاپ جوړ شو
۱۴۰۰کال، د سلواغې ۲۴مه
په کابل پولي تخنیک پوهنتون کې د استادانو د ظرفیت لوړونې په موخه د «رهبرۍ» تر عنوان لاندې ورکشاپ جوړ شو.
په دغه ورکشاپ کې د لوړو زده کړو وزارت ځانګړي استازي، د کابل پولي تخنیک پوهنتون رئیس، علمي، مالي او اداري مرستیال، د پوهنځيو رییسانو او استادانو ګډون کړی و.
وروسته د کابل پولي تخنیک پوهنتون رئیس پوهنوال دیپلوم انجنیر عبدالرشید اقبال د ورکشاپ ګډونوالو ته د ښه راغلاست تر څنګ، د استادانو د مسلکي او علمي ودې لپاره دا ډول پروګرامونه ګټور وبلل.
همدارنګه د لوړو زده کړو وزارت ځانګړي استازي او مالي او اداري مرستیال انجنیر زیارمل خطاب د پوهنتون په کچه د دا ډول پروګرامونو له جوړولو خوښي څرګنده کړه او ویې ویل، چې راتلونکی پلان مو دا دی، چې په کابل پولي تخنیک پوهنتون کې د دوکتورا پروګرام پیل کړو او د کانونو د مدیریت تر عنوان لاندی یو ملی کنفرانس جوړ کړو.
په یاد ورکشاپ کې پوهنوال ډاکټر امان الله فقیري د رهبرۍ تر عنوان لاندې پرېزنټېشن وړاندې کړ او په اړونده موضوع د ګډونوالو له لوري بحث وشو.
