په کابل پوهنتون کې د اسد ۲۴مه، فتحې ورځ ولمانځل شوه
د فتحې ورځې د لمانځنې په پار جوړه شوې علمي ـ ثقافتي غونډه کې، چې سلګونو علماء کرامو، استادانو او محصلینو ګډون کړی و، د لوړو زده کړو وزیر محترم شیخ الحدیث مولوي نداء محمد ندیم وویل چې د دې ورځې د لمانځنې یوه موخه دا ده چې زموږ نوي نسلونه او ځوانان د خپلو خلکو او مجاهدینو له تاریخ، کارنامو او سرښندونو څخه خبر او د هغو پر نقش قدم ولاړ شي او همدا راز دا مېړانې، غیرت، جهاد او اسلام ژوندي پاتې شي.
محترم شیخ صاحب د اسد ۲۴مه، د فتحې ورځ د ټولو افغانانو د سرښندونو محصول وبلله او له ټولو یې وغوښتل چې د دې اعظیمي فتحې شکر ادا کړي.
همدارنګه د کابل پوهنتون رئیس دوکتور اسامه عزیز وویل چې الحمدالله پر ټول افغانستان ا.ا او اسلام حاکم دی او اوس د دې وخت دی چې په علمي ډګر او ټکنالوژۍ کې پرمختګ وکړو. نوموړي زیاته کړه چې لوړو زده کړو وزارت د څېړنو او نورو علمي برخو کې ډېرې لاسته راوړنې لري.
د یادونې وړ ده چې د غونډې په دویمه برخه کې مشاعره او تمثیلي پارچې هم وړاندې شوې.
نټه: شنبه
۱۴۴۷هـ.ق، د صفرالمظفر ۲۲مه
۱۴۰۴هـ.ش، د زمري ۲۵مه
۲۰۲۵م، د اګېسټ ۱۶مه
