ډاکتر محمد بشیر عثماني د کابل طبي پوهنتون د سترګو ناروغیو کادري روغتون د رییس په توګه وټاکل شو
۱۴۰۰کال، د سلواغې ۱۸مه
ډاکتر محمد بشیر عثماني د کابل طبي پوهنتون د سترګو ناروغیو کادري روغتون د رییس په توګه وټاکل شو .
په همدې مناسبت جوړه شوې ناسته کې د کابل طبي علومو پوهنتون رییس پوهنیار ډاکتر فضل الرحمن رحماني، ډاکتر محمد بشیر عثماني رسماً د ياد روغتون ډاکترانو او کارکونکو ته د دغه روغتون د رییس په توګه وروپېژانده.
د کابل طبي علومو پوهنتون رییس، ښاغليعثماني ته د الله تعالی له درباره څخه د بریالیتوب غوښتنه وکړه او د دغه روغتون له ټولو کارکوونکو یې وغوښتل، چې د روغتون د ښه والي، ظرفیت لوړونې، او محصلینو د تدریس او همدارنګه ناروغانو ته د باکیفیته خدمتونو د وړاندې کولو په برخه کې جدي هڅې وکړي.
د سترګو روغتون نوي رئیس د کابل طبي علومو پوهنتون د مشرتابه له باور څخه مننه وکړه او ویې ویل، چې د روغتون د چارو د ښه والي، د محصلینو د تدریس لپاره د غوره چاپېریال برابرولو او ناروغانو ته د صادقانه خدمتونو وړاندې کولو په برخه کې به هېڅ ډول هڅې ونه سپموي.
د یادولو وړ ده، چې دوکتور محمد بشیر عثماني د ننګرهار پوهنتون له طب پوهنځي څخه فارغ او د سترګو په برخه کې تخصص لري
