د افغان نړیوال اسلامي پوهنتون د کرني پوهنځی محصلانو لپاره د علمي څېړنو په موخه څېړنېز فارم افتتاح شو.
په همدې مناسبت جوړو شوو مراسمو کې د افغان نړیوال اسلامي پوهنتون علمي مرستیال پوهندوی ډاکټر رفیع الله عطاء د یاد فارم په ارزښت خبرې وکړې ویې ویل چې د نظري زده کړو تر څنګ عملي زده کړې هم مهمې دي موږ هم دغه ارزښت ته په کتو دغه څېړنېز فارم افتتاح کړ.
وروسته د یاد پوهنتون د علمي څېړنو مرستیال دوکتور محمد ولي سالاري هم د یاد څېړنېز فارم پر ارزښت خبرې وکړې، هغه زیاته کړه چې په دغه څېړنېز فارم کې به د زراعت پوهنځي د دوکتورا او ماسټرۍ برنامو محصلان د تخمونو په ځانګړي ډول د هایبریډ تخمونو په برخه کې تحقیق کوي او پایلې به یې له خلکو سره شریکوي.
دا فارم پر ۶ نیم جریبه ځمکه جوړ او د عملي زده کړو لپاره اختصاص شوی دی.
