د لوړو زده کړو وزارت علمي معین په نیمروز ولایت کې د عالمیې او عالیې مرحلو ازموینو څخه لیدنه او څارنه وکړه
د لوړو زده کړو وزارت علمي معین دوکتور لطف الله خیرخواه نیمروز ولایت ته د خپل رسمي سفر په ترڅ کې د دغه ولایت دیني مدرسو او جامعاتو د عالمیې او عالیې مرحلو ازموینو بهیر څخه لیدنه او څارنه وکړه.
نوموړي د ازموینو پروسې نظم وستایه، ګډونوالو ته یې د بریا هیله وکړه او ترې ویې غوښتل چې په ډېره حوصله او فکر سره خپلې پوښتنې حل کړي.
دغه راز د لوړو زده کړو وزارت علمي معین د نیمروز لوړو زده کړو مؤسسې له استادانو او د څانګو له امرینو سره وکتل، د هغوی ستونزې یې واورېدې او د حل په برخه کې یې د همکارۍ ډاډ ورکړ.
نېټه: چهارشنبه
۱۴۴۶ هـ.ق د رجب المرجب ۱۴مه
۱۴۰۳ هـ.ش د جدي ۲۶مه
۲۰۲۵ م د جنوري ۱۵مه
