د اقتصاد او پاليسۍ او عامه ادارې څانګو د تحصيلي نصابونو د بيا ارزونې نهايي دوره پيل شوه
په لوړو زده کړو وزارت کې نن د هېواد د پوهنتونونو د اقتصاد، پاليسۍ او عامه ادارې او کلسټر برخو کې د انګرېزي، معاصر تاريخ، ژوندانه د چاپېريال او کمپيوټر د نصاب د بيا ارزونې درېيمه او وروستۍ دوره جوړه شوه.
په دې دوره کې د اقتصاد، پاليسي او عامه ادارې د برخو د رييسانو، مرستيالانو او د کلسټرونو د منشيانو په حضور کې د تنظيم، صحافت او ډيزاين په جمع بندۍ او همداراز د پوهنتون د سنجول شوو مضامينو له اړتیاوو سره سم لکه (انګرېزي، معاصر تاريخ د ژوندانه چاپېريال او کمپيوټر) د لويو دولتي (کابل، پولي تخنيک، د استاد رباني د ښوونې او روزنې پوهنتون، کندهار، بلخ، هرات، ننګرهار او شيخ زايد) پوهنتونونو د استازولۍ په ګډون د اړوندو ادارو استازي او د کار د تحصيلي نصاب، د ملي کميسيون غړي يې ترسره کوي.
د ياد ورکشاپ په پيليزه کې د لوړو زده کړو علمي معين پوهنمل عبدالتواب بالاکرزي وويل چې تر دې وړاندې د ادارو او ډونرانو له لوري په بېلابېلو ډولونو سره برابر شوي وو او کارول کېدل چې د کار له بازار او د محصل له اړتیا سره سم نه وو، خو له نېکه مرغه د تېرو څو کلونو په بهير، په لوړو زده کړو وزارت کې پر ځواب ويونکي او د محصل له اړتیا سره سم نصاب کار کېده او ښې پايلې يې هم لرلې.
د لوړو زده کړو علمي معين زياته کړه چې نصاب په مطلق ډول نه يو ګونی کېږي او پوهنتونونه کولای شي د ولايت او يا هم خپل اړوند زون له اړتیا سره سم، هغه معقولې چارې چې اړتیا يې حس کېږي پکې راوړي، څو فارغ شوی محصل چې څه زده کوي د کار له بازار سره سم وي او وکولای شي د هېواد په پرمختګ او پراختيا کې ګټوره اغېزه ولري.
پوهنمل بالاکرزي د پوهنتون د شاملو مضامينو په اړه څرګنده کړه چې دغه مضامين هم بايد د محصل د مسلکي اړتیا په پام کې نيولو سره سم مخکې يوړل شي او محصل د خپلو عمومي درسونو تر څنګ هغه چارې چې د نوموړي له څانګې سره اړه لري هم زده کړي.
نوموړي په پوهنتونونو کې له جوړو شوو ميکانيزمونو سره سم د نوو نصابونو او څارنې د پلي کېدو په اړه هم ټينګار وکړ او په دې برخه کې يې د تحصيلي بنسټونو د استادانو او رهبري ډلې مکلفيتونه او مسوليتونه هم پياوړي کړل.
همداراز د لوړو زده کړو وزارت د پروګرامونو د پراختيا رييس پوهنوال صديق الله بارکزي وويل چې د دې پروګرام له پيل څخه تر دې دمه په مجموعي ډول د هېواد له پوهنتونونو څخه له ۱۶۵ تحصيلي څانګو ۴۴ تحصيلي څانګې چې ۲ د حقوقو او سياسي علومو، ۳ د شرعياتو، ۲۱ د انجنيري، ۱۰ د زراعت او ۸ هم د ښوونې او روزنې څانګې د هېواد له پوهنتونونو څخه نهايي او چاپ شوې دي.
