د زدکړیالانو چارو د معینیت شورا ناسته
د لوړو زده کړو وزارت زدکړیالانو چارو د معینیت شورا ناسته د دغې برخې معین پوهندوی سید فرهاد شهیدزاده په مشرۍ تر سره شوه. په دغه ناسته کې د دولتي او خصوصي زدکړیالانو، د بهرنیو اسنادو ارزونې، د اکاډمیکو چارو څارنې او ارزونې ریاستونو رییسانو، د زدکړیالانو چارو سلاکار او د زدکړیالانو د خدمتونو د انسجام آمرې هم ګډون کړی و.
په دغه ناسته کې د تېرو پرېکړو د پلي کېدو د ډاډ پر راپور سربېره، د زدکړیالانو د خدمتونو د پروګرامونو لکه؛ د مشاورې د خدمتونو پروګرامونه، د پوهنتونونو سپورټي فدراسیون، د تحصیلي نندارتونونو او سمپوزیمونو جوړول، د فن او مهارتونو زیاتول، نویو زدکړیالانو ته لارښوونه، نوښت، د معلولینو ځانګړو خدمتونو او د ملاتړو تحصیلي خدمتونو په اړه خبرې وشوې او نظرونه شریک شول او همدارنګه د کارونو له پېژندلو وروسته لازمې پرېکړې وشوې.
د زدکړیالانو چارو د معینیت شورا ناسته په اوونۍ کې یوه ورځ هره دوشنبې د زدکړیالانو اړوند مسایلو د کار پېژندنې او پرېکړو په موخه ترسره کېږي.
