د لوړو زده کړو وزارت مالي او اداري معین مولوي حافظ محمد حامد حسیب د دغه معینیت تر مشرۍ لاندې ریاستونو سره د نوبتي لیدنو په لړ کې، نن د تدارکاتو ریاست له مسؤلانو سره وکتل.
۱۴۰۱کال، د وري ۴مه
د لوړو زده کړو وزارت مالي او اداري معین مولوي حافظ محمد حامد حسیب د دغه معینیت تر مشرۍ لاندې ریاستونو سره د نوبتي لیدنو په لړ کې، نن د تدارکاتو ریاست له مسؤلانو سره وکتل.
یاده ناسته د قرانکریم په مبارکو ایتونو پیل شوه، وروسته د لوړو زده کړو وزارت د تدارکاتو رئیس قاضي عبدالنصیر ملازوی او د دغه ریاست کارکوونکو د خپلو تېرو کړنو راپور وړاندې کړ. د تدارکاتو ریاست موخه یې د ټولو مرکزي او دویمي واحدونو د ادارو د تدارکاتو د اړتیاوو پوره کول وبلل.
دغه راز د یاد ریاست مسؤلانو د تدارکاتو اوصول، د تړونونو پروسه، راتلونکی پلان او د کارونو د ښه والي او چټکتیا په موخه خپله طرحه وړاندې کړه.
وروسته د لوړو زده کړو وزارت مالي او اداري معین مولوي حافظ محمد حامد حسیب د تدارکاتو ریاست کارونه وستایل او د یاد ریاست کارکوونکو ته یې وویل، چې زموږ ملت ډېر ځورېدلی، نو موږ ته پکار ده، چې په سمه توګه خلکو ته خدمات وړاندې کړو او خپلو مسؤلیتونو ته پوره پاملرنه وکړو. نوموړي وویل، چې په کارونو کې نیک نیت درلودل د اجر او ثواب لامل ګرځي. یاده ناسته د خیر په دعا سره پای ته ورسېد.
