د لوړو زده کړو وزارت مالي او اداري معین مولوي حافظ محمد حامد حسیب د چارو د چټکتیا او ښه والي په موخه، تر خپلې مشرۍ لاندې رئیسانو سره ناسته وکړه
2/9/1443
15/1/1401
د لوړو زده کړو وزارت مالي او اداري معین مولوي حافظ محمد حامد حسیب د چارو د چټکتیا او ښه والي په موخه، تر خپلې مشرۍ لاندې رئیسانو سره اونیزه ناسته وکړه.
یاده ناسته د قرانکریم په مبارکو ایاتونو پیل شوه. وروسته د لوړو زده کړو وزارت مالي او اداري معین وویل، چې لوړو زده کړو وزارت په هېواد کې د سیاسي، ټولنیزو او اقتصادي چارو له پلوه د ملا د تیر حیثیت لري. نوموړي خلکو ته د غوره خدمتونو پر وړاندې کولو ټینګار وکړ او ټولو رئیس صاحبانو ته یې سپارښتنه وکړه، چې د دیني او ملي ارزښتونو په پام کې نیولو سره، خپلې چارې په احسنه طریقه تر سره کړي.
وروسته ټولو رئیس صاحبانو د اړوندو ریاستونو ستونزې، د چارو د غوره والي لپاره خپل وړاندیزونه او نظریات وړاندې کړل، په ګډه یې پر مسایلو بحث وکړ او په نښه شوو ستونزو ته یې د حل لارې وړاندې کړې، دغه راز ناسته د خیر په دعاء سره پای ته ورسېده.
