د لوړو زده کړو وزارت د محصلانو چارو د معینیت شورا ناسته تر سره شوه.
۱۴۴۳/۱۱/۱۵
۱۴۰۱/۳/۲۵
د لوړو زده کړو وزارت د محصلانو چارو د معینیت شورا ناسته تر سره شوه.
په دغه ناسته کې د محصلانو چارو د معینیت شورا غړو له اجنډا سره سم د هغو خصوصي تحصیلي بنسټونو د محصلانو د اسنادو د طی مراحل کولو په اړه د اکاډمیکو چارو د څارنې او ارزونې ریاست راپور واورېد، چې په فوق لېسانس برخو کې یې له ظرفیت څخه زیات محصلان جذب کړي وو.
دغه راز د هغو خصوصي تحصیلي بنسټونو د بې جوازه او بې اساسه پوهنځیو او مصحلانو په اړه خبرې وشوې، چې په تېرو کلونو کې یې د لوړو زده کړو وزارت له جواز پرته محصلان جذب کړي دي.
همدارنګه د شورا غړو د بلخ پوهنتون د محصلانو لپاره د غوره درسي چاپېریال د برابرولو، د تخار پوهنتون د ښوونې او روزنې پوهنځی د محصلانو لپاره د مناسب درسي ځای د نشتولي او ځينو نورو موضوعاتو په اړه هر اړخیز بحثونه او لازمې پرېکړې وکړې.
