د ملګرو ملتونو د امنیت شورا له لوري د افغانستان د تعلیمي او تحصیلي سکټورونو پر مشرانو د سفر د بندیز پرېکړه، د افغانستان د تحصیلي نظام د پرمختګ پر وړاندې د خنډونو د جوړولو په مانا ده.
۱۴۴۳/۱۱/۲۶
۱۴۰۱/۴/۵
د ملګرو ملتونو د امنیت شورا له لوري د افغانستان د تعلیمي او تحصیلي سکټورونو پر مشرانو د سفر د بندیز پرېکړه، د افغانستان د تحصیلي نظام د پرمختګ پر وړاندې د خنډونو د جوړولو په مانا ده.
دغه خبرې د لوړو زده کړو سرپرست وزیر الحاج مولوي عبدالباقي حق اني د ترکیې له رسمي سفر وروسته په یوه خبري کنفرانس کې وکړې. نوموړي زیاته کړه چې موږ د ا.ا.ا له فتحې وروسته په کمو امکاناتو د یوې اونۍ په جریان کې ټول خصوصي او څه موده وروسته مو ټول دولتي پوهنتونونه د محصلانو پر مخ پرانیستل، نو نړیوالې ټولنې او ګاونډیو هېوادونو ته پکار ده، چې په تحصیلي برخه کې د افغانستان لاسنیوی وکړي.
همدارنګه د لوړو زده کړو سرپرست وزیر ترکیې ته د خپل رسمي سفر او د دغه هېواد د تعلیمي او تحصیلي برخو له چارواکو سره د لیدنو په اړه معلومات وړاندې کړل. نوموړي زیاته کړه چې د دغه سفر پر مهال مو له افغان محصلانو او استادانو سره وکتل، د وېزو، تحصیلي فیسونو او نورو برخو کې مو د هغوی ستونزې واورېدې او د ترکیې هېواد له اړوندو مسؤلانو سره په همغږۍ مو حل کړې.
د لوړو زده کړو سرپرست وزیر وویل، چې په دغه سفر کې ترکي چارواکو د بورسونو زیاتوالي، افغان استادانو ظرفیت لوړولو لپاره د پروګرامونو جوړولو، تجروبو شریکولو او په افغانستان کې د یوه پوهنتون د جوړولو ژمنې راسره وکړه.
د یاد خبري کنفرانس په پای کې د رسنیو استازو پوښتنو ته ځوابونه وویل شول او کنفرانس پای ته ورسېد.
