ننګرهار پوهنتون کې د عالمیه، عالیه او ثانویه درجو د کلنۍ ازموینې د اخیستنې بهیر پیل شو.
د پوهنتون د مسؤلینو په وینا، په یاده ازموینه کې، چې شپږ ورځې به دوام وکړي، ددې ولایت د خامسه، عالیه او عالمیه درجو ۲۰۴۰ تنو فارغانو څخه به ازموینه واخیستل شي.
په یادو مراسمو کې چې د ننګرهار پوهنتون د مشرتابه، مرستیالانو او استادانو سربېره په کې د لوړو زده کړو او پوهنې وزارتونو څخه د راغلي پلاوي غړو او د ننګرهار پوهنې ریاست مسؤلینو برخه لرله د لوړو زده کړو وزارت د دیني جامعاتو د اسنادو د توزیع رئیس شـیخ سیف الرحمن شینواري وويل چې د اسنادو ارزونې په دې شپږ ورځنۍ ازموینه کې به د ننګرهار ولایت د خامسه دورې له ۸۲۱ تنو، عالیه دورې ۵۸۸ او د عالمیه دورې ۶۳۱ تنو فاضلانو څخه ازموینه واخیستل شي.
د غونډې په پاى کې د ټولو ګډونوالو په حضور کې د پوښتنپاڼو د بکسونو قلفونه خلاص او رسماً ازموينه پيل شوه.
نټېه: شنبه
۸/۷/۱۴۴۵ هـ ق ۳۰/۱۰/۱۴۰۲ هـ ش ۲۰/۱/۲۰۲۴ م
