د فراغت د تحصیلي اسنادو د قیمت په اړه د لوړو زده کړو وزارت خبرتیا
لکه څرنګه چې ګران محصلین په جریان کې دي، په دې وروستیو کې د فراغت د تحصیلي اسنادو (ډیپلوم او ټرانسکرپټ) اوراق په معیاري او مصئونه توکه د هېواد په داخل کې ترتیب شوي او د فراغت د تحصیلي اسنادو د لایحې سره سم خصوصي تحصیلي نهادونو ته خبر ورکړل شوی چې په یادو اوراقو کې د فراغت د هر سند د صدور په مقابل کې له فارغ التحصیلانو څخه یوازې دولس سوه (۱۲۰۰) افغانۍ واخلي.
بناً لوړو زده کړو وزارت له ټولو خصوصي تحصیلي بنسټونو څخه په درنښت غوښتنه کوي چې د فراغت د تحصیلي اسنادو د صدور په مقابل کې له خپلو فارغ التحصیلانو څخه یوازې هغه مبلغ واخلي چې د فراغت د تحصیلي اسنادو د صدور په لایحه کې ذکر شوی.
فارغ التحصیلان کولای شي چې د یادې موضوع اړوند ستونزې په صورت کې د لوړو زده کړو وزارت په ویبپاڼه کې خپل شکایت درج کړي.
