ارزګان لوړو زده کړو مؤسسه کې د ۴۷ میلیونه افغانیو په ارزښت پنځه بېلا بېلې پروژې ګټې اخیستنې ته وسپارل شوې
د دغو پروژو ګټې اخیستنې ته د سپارلو په مراسمو کې د ارزګان لوړو زده کړو مؤسسې رئیس مولوي رحمت الله رحماني د یادو پروژو په بشپړولو کې د لوړو زده کړو وزارت له مقام او د ارزګان والي له هر اړخیزو همکاریو مننه وکړه او زیاته یې کړه چې په یادو پروژو کې د ناستو عمومي تالار، د لمریزې برېښنا سیسټم، د اوبو رسونې شبکې جوړول، کمپیوټر لِب او د وسایطو پارکېنګ شامل دي، چې د ۱۴۰۳ هـ.ش کال په جریان کې یې چارې بشپړې او ګټې اخیستنې ته وسپارل شوې.
دا په داسې حال کې ده چې لوړو زده کړو وزارت د تحصیلي مرکزونو رغونې او بیارغونې ته پاملرنه کړې، د تحصیلي نهادونو وړاندیزونو پر اساس یې په لوړو زده کړو نهادونو کې زیربنایي چارې دوام لري او په ارزګان لوړو زده کړو مؤسسه کې د یادو پنځو پروژو ګټې اخیستنې ته د سپارلو تر څنګ، د نوموړې مؤسسې د احاطوي دېوال د جوړېدو پروژه هم پرانیستل شوه.
نېټه: سه شنبه
۱۴۴۶ هـ.ق د جمادي الاخرة ۱۵ مه
۱۴۰۳ هـ.ش د لیندۍ ۲۷ مه
۲۰۲۴ م د ډسمبر ۱۷ مه
