د لوړو زده کړو په وزارت کې د قزاقستان هېواد د لېسانس دورې بورسونو لپاره رقابتي ازموینه واخیستل شوه.
د لوړو زده کړو په وزارت کې د قزاقستان هېواد د لېسانس دورې بورسونو لپاره رقابتي ازموینه واخیستل شوه.
د لوړو زده کړو وزارت مالي او اداري معین مولوي حافظ محمد حامد حسيب د ازموينې د روڼتيا د ډاډ ورکولو په ترڅ کې وويل، وزارت په هېواد او بهر کې د ځوانانو لپاره د ښه تحصیلي چاپېريال د برابرولو لپاره کار کوي.
همدارنګه د لوړو زده کړو وزارت مالي او اداري معین د قران او حدیثو په رڼا کې د علم اهمیت ته په اشارې سره له ګډونوالو وغوښتل، چې د تحصیلي فرصتونو څخه په ګټې اخیستنې د خپلې علمي سطې د لوړوالي په برخه کې جدي هڅې وکړي.
له بلې خوا د لوړو زده کړو وزارت د خصوصي تحصيلي مؤسسو د محصلينو د چارو رئیس سيد اسماعيل روحاني په خپلو خبرو کې وویل: " که څه هم په هېواد کې د لېسانس مختلف پروګرامونه شتون لري، اما اړینه ده چې د نورو هېوادونو بورسونه د افغان محصلینو لپاره ځانکړي شي."
په یاده ازموینه کې ۱۰۹ تنو داوطلبانو ګډون کړی وو، چې د قزاقستان هېواد د لېسانس دورې د ۱۴ بېلابېلو څانګو تحصیلي بوروسونو د ترلاسه کولو لپاره یې سیالي ترسره کړه.
د نننۍ ازموینې له بهیر څخه د لوړو زده کړو وزارت او قزاقستان هېواد یوه ګډ پلاوي څارنه وکړه.
