د لوړو زده کړو وزیر د ننګرهار پوهنتون له رییس سره وکتل
د لوړو زده کړو وزیر دوکتور عباس بصیر د ننګرهار پوهنتون رییس سره په لیدنه کې د ننګرهار پوهنتون د پروګرامونو پلي کېدلو څرنګوالی یې واورېد.
په دې لیدنه کې د لوړو زده کړو وزیر وویل چې د کرونا ویروس په خپرېدو او د لوړو زده کړو په بنسټونو کې قرنطین، د پراختیايي پروګرامونو یوه برخه کې ځنډ راوست او د کرونا واکسین تطبیق او حضوري درسونو له پیل وروسته به ننګرهار پوهنتون کې به پراختیايي پروژې په ځانګړي ډول زیربنايي پروژې هم پلي شي.
وروسته پوهاند دوکتور خلیل احمد بهسودوال د یاد پوهنتون پروګرامونو په هکله معلومات ورکړل او وویل چې د لیلیې ۹۵ سلنه کار بشپړ شوی او د لوړو زه کړو وزارت په همکارۍ د ننګرهار پوهنتون نورو پروژو په چټکتیا کې هم هڅې کېږي.
د لوړو زده کړو وزیر د ننګرهار پوهنتون د زېربنايي پروژو د کار چټکتیا لپاره اړوندو ادارو ته هدایت وکړ.
