د ماسټري او دوکتورا په کچه د هندوستان هیواد د تحصیلي بورسونو خبرتیا

د بهرنیو چارو محترم وزارت د رسمي مکتوب په اساس د هندوستان هیواد د ماسټري او دوکتورا په کچه د (Yoga, Unani, Siddha and Homeopathy Ayurveda) په څانګو کې د تحصیلي بورسونو له ورکړي څخه خبر ورکړی دی.

د بورسونو شرطونه:

• له انګلیسې ژبې سره بلدیت.

• دwww.a2ascholarships.iccr.gov.in A2A ICCR   ویب سایټ سره سم د غوښتني او روغتیا فورمونه چمتو کول.

• د تګ را تګ ټیکټ کیدای شي د بورسونو ورکوونکي مرجعې په غاړه وي.

• نورې آسانتیاوې لکه فیس، لیلیه، لابراتوار او داسې نور د بورسونو ورکوونکي مرجعې له اړخه ورکول کیږي.

• نوماندان کولای شي، چې د دریو پوهنتونو/ انستیتوتونو څخه یو وټاکي چې له قبولي څخه وروسته بیا د تبدیلۍ حق نلري. 

• تدریس به په انګلیسې یا اردو ژبه ترسره کیږي.

• د لیسانس او دوکتورا دورو متقاضیانو د نمرو سلنه باید له ۶۵ څخه کمه نه وي.

د اړتیا وړ سندونه:

• ديپلوم او د نمرو ټرانسکريپټ (لیسانس او ماسټري)

• الیکټرونیکي پاسپورټ درلودل

• د تابعیت تذکره

• د روغتیایي فورم بشپړول

بناءً ټولو په شرایطو برابرو کسانو ته خبر ورکول کیږي چې د دې خبرتیا له خپریدو سره سم د ۲۰۲۰ د جولای ۳۱ چې د ۱۳۹۹ زمري(اسد) ۱۰ نیټې څخه دمخه په www.a2ascholarships.iccr.gov.in  ویب سایټ کې نوم لیکنه وکړي، فورم یې پرنټ کړي او د اړوندو بورسونو نورو فورمونو د تر لاسه کولو په موخه د لوړو زده کړو وزارت ۲۱ نمبر غرفې ته له خپلو اصلي اسنادو سره مراجعه وکړي

یادښت: د پورته ذکر شويو بورسونو د ضمیمو ترلاسه کولو لپاره په لاندې لینک کلیک وکړئ:

دانلود