د استاد رباني د ښوونې روزنې پوهنتون، ننګرهار پوهنتون او سلام خصوصي پوهنتون، د لوړو زده کړو وزارت د اعتبار ورکولو د درېيم پړاو سند ترلاسه کړ
په هغې مراسمو کې چې په همدې اړه د لوړو زده کړو وزارت د کنفرانسونو په تالار کې جوړ شوي وو، ياد اسناد د کيفيت د تضمين او باور ورکولو رييس پوهندوی دوکتور محمد نعيم عظيمي او د علمي چارو د ارزونې او څارنې رييس پوهنمل دوکتور محمد ولي حنيف له لوري د يادو پوهنتونونو مسولينو ته په رسمي ډول وسپارل شول.
يادو رييسانو وويل هڅه کوي چې په دولتي او خصوصي تحصيلي بنسټونو کې دغه هڅې د کيفي ارزښتونو په توګه بنسټيزې شي.
ویناوالو د کيفيت د تحصيلي بنسټونو له لوري د کيفيت د تضمين او اعتبار ورکولو د درېيم پړاو سند اخيستل ډېر ارزښت لرونکي وبلل او څرګنده يې کړه چې یاد سندونه د علمي پروګرامونو او پراختيا په جوړولو کې د يادو پوهنتونونو صلاحيتونه زياتوي او په پايله کې د دوی د پراختیا او ودې لامل کېږي.
د یادولو وړ ده چې تر دې وړاندې هم يو شمېر نور دولتي او خصوصي تحصيلي بنسټونه توانېدلي چې له لوړو زده کړو وزارت څخه د ټاکل شوو معيارونو په پوره کولو سره د علمي اعتبارو ورکولو سند ترلاسه کړي.
