د هرات پوهنتون د درې ورځني علمي - دیني سمینار لومړۍ ورځ د امارتي پوهنتونونو او د لوړو زده کړو خصوصي مؤسسو استادانو لپاره تر سره شوه.
د غونډې په پيل کې د لوړو زده کړو مالي او اداري معین الحاج حافظ محمد حامد حسیب د علم د زده کړې او ارزښت په اړه معلومات وړاندي کړل او زیاته یي کړه چې د لوړو زده کړو وزارت په پام کې لري ترڅو د دې ډول سمینارونو په ترسره کولو د مدرسې او پوهنتون تر منځ واټن ختم کړي، وروسته د هرات والي شیخ الحدیث مولانا نور احمد اسلام جار په بېلابېلو برخو کې د اسلامي امارت د پرمختګونو په اړه خبرې وکړې او زیاته یې کړه، په هېواد کې د ډېرو سختو شرایطو په شتون کې الحمد الله، د افغانستان اسلامي امارت په سم تدبیر او مدیریت توانېدلی دی چې د بانکي او اقتصادي سیستم ایجاد ته لاره هواره کړي، غواړم چې تاسې په لوړ همت او قوي ارادې سره شپه او ورځ د خلکو د خدمت لپاره هڅه وکړئ، په پای د هرات پوهنتون رئیس پوهندوی عبدالعزیز نعماني وویل، چې د لوړو زده کړو وزارت یو اساسي پلان دادی چې د اکاډمیک قشر او د مدرسو د اساتیدو ترمنځ دې افهام او تفهیم ترسره شي او همدارنګه د پوهنتونونو او مدرسو ترمنځ واټن دې ختم شي؛ نو په دې منظور د داسې سمینارونو او مناقشو دایرول لازم او اړین دي.
یادولو وړ ده چې په دې دري ورځني سمینار کې د ملکي چارواکو تر څنګ نظامي چارواکې او زیات شمېرعلماء او د دولتي او خصوصي لوړو زده کړو مؤسسې استادانو ګډون درلود.
