د هېواد د تحصیلي بنسټونو د ښوونې او روزنې څانګو د ژبو او ادبیاتو او کمپیوټر ساینس لېسانس او کمپیوټر ساینس فوق لېسانس برنامو د تحصیلي نصاب د بیاکتنې او پراختیا درېیم پړاو کلسټر پیل شو.
د لوړو زده کړو وزارت د تحصیلي نصاب ریاست، د تحصیلي نصاب ملي کمیسیون، د پوهنتونونو استادان، اړوندې ادارې او د خصوصي سکټور متخصصین او استازي په ګډه (د یو ملت ـ یو نصاب) تر شعار لاندې، د دیني او ملي ارزښتونو او منل شوو نړیوالو معیارونو په پام کې نیولو سره د هېواد پر تحصیلي نصاب کار کوي.
د یادو څانګو د تحصیلي نصاب د بیاکتنې او پراختیا درېیم پړاو کلسټر په پرانیسته کې د تحصیلي نصاب د ملي کمیسیون غړي پوهنوال داود شاه فاروق د یاد کلسټر کار بڼه تشریح کړه او په دې پړاو کې یې د محتوا تر څنګ، د ټولو املایي او انشایي غلتیو پر سمونه ټینګار وکړ.
د یادونې وړ ده چې دغه کلسټر به ۵ ورځې دوام وکړي او نصابونه به له تکمیل وروسته پوهنتونونو او د لوړو زده کړو مؤسسو ته د تدریس په موخه ولېږل شي.
نېټه: شنبه
۱۴۴۵/۷/۲۲هـ ق ۱۴۰۲/۱۱/۱۴هـ ش ۲۰۲۴/۲/۳م
