د سیاسي تحولاتو او په هېواد کې د نوي نظام له رامنځته کېدو سره د لوړو زده کړو وزارت توانېدلی چې د نورو اساسي او بنسټیزو پروګرامونو تر څنګ د هېواد د تحصیلي بنسټونو د بېلابېلو څانګو نصاب د " یو ملت – یو نصاب "تر عنوان لاندې بیاکتنه د دیني، ملي ارزښتونو په مو
شنبه، ۶ حمل ۱۴۰۱
د سیاسي تحولاتو او په هېواد کې د نوي نظام له رامنځته کېدو سره د لوړو زده کړو وزارت توانېدلی چې د نورو اساسي او بنسټیزو پروګرامونو تر څنګ د هېواد د تحصیلي بنسټونو د بېلابېلو څانګو نصاب د " یو ملت – یو نصاب "تر عنوان لاندې بیاکتنه د دیني، ملي ارزښتونو په موخه او د بازار له غوښتنو سره سم په بریالیتوب سره ترسره کړي.
په هغو کلسترونو کې چې په دې موخه په تېره یوه میاشت کې جوړ شوي، د دولتي او خصوصي تحصیلي ادارو مسوولینو، استادانو، د اړوندو څانګو استازو او د چارو متخصصینو د لېسانس او فوق لېسانس شپږ برنامې د بیا کتنې او پراختیا چارې په لاره اچولي دي.
چې په کې دغه پروګرامونه شامل دي:
۱- د معالجوي طب د نصاب د دوهم پړاو کلستر؛
۲- د ساینس پوهنځیو (ریاضي، فزیک، کیمیا او بیولوژي) د نصاب د لومړۍ دورې کلستر؛
۳- د فارمسي او وترنرۍ علومو پوهنځیو د لومړي دور نصاب کلستر؛
۴- د افغان نړیوال پوهنتون د فوق لېسانس پروګرامونو د تشخیص او تثبیت د لومړي پړاو کلستر؛
۵- د کمپیوټر ساینس پوهنځي اړوندو څانګو د تحصیلي نصاب د لومړۍ دورې کلستر؛
۶- د افتاء او قضاء، دعوت او ارشاد، حدیث، تفسیر ، اقتصاد او اسلامي بانکدارۍ د تخصصاتي څانګو د تحصیلي نصاب د لومړي دور کلستر.
ددې کلسترونو په غونډو کې د لوړو زده کړو سرپرست وزیر مولوي عبدالباقي حقاني، علمي معین دوکتور لطف الله خیرخواه، مالي او اداري معین مولوي حافظ محمد حامد حسیب، د علمي برنامو د انکشاف رئیس انجنیر روح الله روحاني، د تحصیلي نصاب رئیس مفتي عبدالرؤف فراهي او د اړوندو ادارو نورو مسوولینو د نصاب د اهمیت، د هیواد په پرمختګ او ترقۍ د هغې د اغیزو، له داخلي او خارجي مارکیټونو سره د همغږۍ او د نصاب اړوند ورته نورو موضوعاتو په اړه ګډونوالو ته لارښوونې او خبرې وکړې.
د مسوولينو په وينا، د ١٤٠١ لمريز کال په اوږدو کې به د يادو کلسترونو د راتلونکي دورو په تر سره کولو سربېره د نورو څانګو د نصاب د بيا کتنې او پراختيا په برخه کې هم کار وشي.
